Француските власти покренаа нова истрага против Марин Ле Пен, лидерката на екстремно десничарската партија Национален собир, која еден ден претходно беше прогласена за виновна за проневера на средства од Европскиот парламент.
Овој пат Ле Пен е осомничена за „закани кон судиите“, објави агенцијата Франс прес, повикувајќи се на судски извор.
„Покрената е нова истрага по заканите до судиите на парискиот кривичен суд кои во понеделникот ја осудија Марин Ле Пен на петгодишна забрана за учество на изборите, со итна сила“, пишуваат медиумите.
Еден ден претходно, Високиот совет на судии објави дека биле упатени закани кон судиите кои го водат случајот на Ле Пен по нејзината пресуда. К
