Во денешниот воздушен напад на израелската армија на периферијата на Бејрут, најмалку три лица загинаа, а 17 се ранети, соопшти либанското Министерство за здравство, пренесува АП.
Израелската војска претходно денеска соопшти дека извршила „целен напад“ врз либанската престолнина, додека два безбедносни извори изјавија за Ројтерс дека е погодено јужно предградие на Бејрут и дека цел бил лидер на Хезболах.
Нападот погодил локации во близина на клучни објекти што ги користи Хезболах, објави британската агенција, повикувајќи се на неименувани безбедносни извори во Либан.