Министерот за здравство Фатмир Меџити соопшти дека до крајот на месецот ќе се потпише Меморандум со Светската здравствена организација за борба против пушењето и нашата земја ќе мора да се придржува кон ригорозните мерки на СЗО.
– Кога ќе дојде до некоја од овие болести кои ги предизвикува пушењето, лекувањето е поскапо, а веќе знаеме дека во нашата мила држава секое семејство губи некој од најмилите. Повикувам сите да ги почитуваат систематските прегледи. Со ова ќе се намали бројот на овие злочудни заболувања – објасни Меџити.
Сите министерства и инспекторати кои имаат надлежност врз овој проблем ќе треба да бидат поорганизирсни во борбата против пушењето.
– Ова е токсично, ова е отров и од ова треба да се одвикнеме. И граѓаните велат дека пушењето е штетно. Тоа што ме загрижува најмногу, е пасивните пушачи, новороденчињата и децата, да се грижиме за нив – додаде Меџити.
Во однос на мерките против пушењето министерот извести дека до крајот на месецот ќе се потпише меморандум, а конкретните мерки ќе се знаат по потпишувањето.