Турскиот претседател Реџеп Таип Ердоган изјави дека неговата земја е подготвена да прими повредени Палестинци од Газа, бидејќи болниците во енклавата се преплавени. Тој, исто така, рече дека Турција ќе направи напори да го зголеми притисокот врз Израел за да обезбеди евакуација на повредените Палестинци од Газа.
Тој рече дека американскиот државен секретар Антони Блинкен е отворен за дискусии за зголемување на протокот на хуманитарна помош на преминот Рафах, при што Ердоган сака да види до 500 камиони дневно.
Анкара ќе преземе чекори за обезбедување амбулантни возила, храна, вода и лекови за Газа во соработка со други земји, додаде тој по враќањето од самитот на Организацијата за економска соработка во главниот град на Узбекистан Ташкент.
За време на овој конфликт, турскиот лидер беше цврсто против Израел, нарекувајќи го окупатор и велејќи дека Хамас не е терористичка организација.