Под претседателство на премиерот Киријакос Мицотакис денеска се состана грчкиот владин совет за државна безбедност (КСЕА).
Тие се состанаа за да разговараат за „терористичкиот напад на Хамас во Израел и ситуацијата во Појасот Газа и нивните ефекти врз Грција и поширокиот регион“.
Владиниот портпарол Павлос Маринакис изјави дека во координација со Министерството за надворешни работи се разгледуваат и информациите за репатријација на грчки државјани од Израел.
Тој истакна дека атинскиот аеродром „Елефтериос Венизелос“ е еден од четирите во Европа кои опслужуваат летови за репатријација од Израел за странски државјани.
„Грчките власти се во состојба на готовност. Политиката на чување на копнените и поморските граници продолжува со несмалено темпо“, рече Маринакис.