Голем скандал ја тресе Шпанија и славниот „кралски клуб“, бидејќи протече информацијата дека се уапсени тројца фудбалери на Реал Мадрид.
Како што пренесува „Ел Конфиденсијал“, тројца неименувани играчи се во полиција бидејќи се обвинети дека споделиле сексуално видео со малолетна девојка.
Тие на 6 септември биле пријавени на Канарските острови од мајката на малолетничката, а денеска биле одведени зад решетки.
Мајката наводно изјавила дека еден од тројцата играчи на Реал Мадрид снимил сексуално видео, а потоа го споделил со другите двајца.
Се нагласува дека истрагата ќе биде проширена и дека би можеле да бидат инволвирани и други играчи на мадридскиот тим.