Обид за физичка пресметка, како плукање и туркање пред собраниската говорница ја одбележаа утринската седница во Народното собрание во Бугарија во кое се скараа пратениците на националистичката партија Преродба со ПП-ДБ (Продолжуваме со промените-Демократска Бугарија) на Кирил Петков.
По говорот на Јавор Божанков од ПП-ДБ почна турканицата меѓу пратениците, а тензијата се зголеми кога почнаа дел од нив да се плукаат и туркаат.
Еден од пратениците заврши со крвав образ, а на друг му беа скршени очилата во инцидентот.
Средбата мораше привремено да биде прекината, а микрофоните беа исклучени во парламентот бидејќи претседателот Росен Желјазков прогласи пауза.Се разменија навредливи и непристојни реплики, се дистрибуираа видеа како плукаат пратеници од Преродба.
Тензија предизвика говорот на Искра Михајлова од Преродба:
– Денеска преговараат со оние што ги нарекуваат мафија. Дами и господа, немате морално право да бидете овде во салата. Вашите договори се срамна страница во бугарската историја и наскоро ќе ги видите личните последици од ова предавство.
Јавор Божанков од Продолжуват промените им врати со контрареплика:
– Зборуваа за вакцини, излегоа вакцинирани. Костадинов и Цончо зборуваа за меки зглобови, двајцата најмногу се сомневаат во нас во овој поглед, за еврото, а сега не сметаа за национални предавници. Според логиката што сега ја видовме, националните предавници се токму тие.
На овие забелешки пратениците излегоа на говорницата и почнаа да туркаат.
Манол Пејков од ПП-ДБ објасни дека морал да скокне да го одбрани Јавор Божанков бидејчи бил сам, а тие глутница, а бил наречен од пратениците на Преродба „валкана гнида“ и бил клоцан по нозете.
фото: bnt.bg