Потпретседателката на Бугарија, Илијана Јотова ќе му ги предаде бугарските лични документи на Кристијан Пендиков на церемонија со највисоки државни почести.
На 10 мај, среда, во 13 часот и 30 минути по македонско време, на свеченост во Гербовата сала потпретседателката Илијана Јотова на македонскиот државјанин Кристијан Пендиков ќе му ги предаде бугарските лични документи.
Илијана Јотова го потпиша указот за стекнување бугарско државјанство врз основа на неговото бугарско потекло.
Секретарот на здружението „Цар Борис Трети“ во Охрид, кој е роден Охриѓанец што од неодамна има бугарска самосвест, Христијан Пендиков, беше нападнат и претепан во Охрид наводно поради тоа што се чувствувал како Бугарин.
