Сите избирачки места на изборите во Соединетите Американски Држави се затворени во седум часот утринава по средноевропско време.
Повеќе од 240 милиони Американци го избраа новото свикување на Претставничкиот дом и Сенатот, гувернери во 36 сојузни држави, а беа одржани и локални избори.
Околу 7:30 часот по средноевропско време, ситуацијата е сè уште тесна во Сенатот, каде демократите и републиканците, според проекциите на CNN, се изедначени со 48:48, а за мнозинство се потребни 50 места.
Во Претставничкиот дом резултатот е 198:178 во корист на републиканците, а за мнозинство се потребни 218 места.