Во Џорџија отворена истрага за телефонски притисок од Трамп за пресврт во изборниот резултат

Од:

Изборната комисија на американската сојузна држава Џорџија и официјално отвори истрага за телефонскиот разговор во кој поранешниот претседател Доналд Трамп вршел притисок врз службено лице да го смени изборниот резултат во оваа држава, во која победи неговиот противкандидат Џо Бајден.

Истрагата е отворена откако вчера официјално тужба поднесе еден професор по право, обвинувајќи го Трамп за кршење на законот.

Ова е прва официјална истрага за телефонските разговори во кои Трамп барал помош од високите претставници на Џорџија, во обид да го свртат резултатот од изборите во негова корист, пренесе Еј-Би-Си Њуз.

Валтер Џонс, портпаролот на државниот потсекретар на Џорџија, Бред Рафенспергер, потврди дека е отворена истрага.

-Добивме тужба и се однесуваме како што би се однесувале во секој сличен случај. Државниот обвинител е одговорен за натамошните правни постапки, рече Џонс.

Рафенспергер, највисокиот републикански изборен претставник во Џорџија, на почетокот на јануари изјави дека е „под притисок на Белата куќа“ и, спротивно на неговата обврска, прифати телефонски повик од Доналд Трамп во кој претседателот од него побарал „да го поништи неговиот изборен пораз“ во оваа американска сојузна држава.

Трамп го замолил Рафенспергер да им дозволи на изборните службеници „да најдат“ доволно гласови за да ја поништат победата на Бајден во оваа држава.

Тоа е еден од најмалку трите телефонски повици, одржани во почетокот на декември до почетокот на јануари, во кој Трамп побарал помош од високи претставници на Џорџија да се обидат да го свртат резултатот од изборите, но секој пат бил одбиван.

Трамп во Џорџија загуби од Бајден со 11.779 гласа разлика.

Би можело да ве интересира

Трамп најави отворање своја социјална мрежа – „Truth Social“

Ана Ололовска

Трамп криел плаќања на странски влади кон неговиот хотел во Вашингтон

Ана Ололовска

Трамп бара судот да му го врати Твитер налогот

Ана Ололовска

Комисија ќе испитува соработници на Трамп за нападот врз Капитол

Ана Ололовска

Двајца републиканци обвинети за прикривање на руските донации за изборната кампања на Трамп

Ана Ололовска

Вашингтон подготвен за протести на приврзаници на Трамп

А1он