Романскиот премиер и лидер на Социјалдемократската партија Виктор Понта изјави дека нема да се кандидира за шеф на државата на изборите кои ќе се одржат следната година.
– Избришете ме од списокот на кандидатите, нема да се кандидирам. Социјалдемократите стојат на својот збор, кој им го дале на коалициските партнери. Ќе претставува голем ризик за партијата ако не си го одржам зборот, истакна Понта на прес-конференција.
Тој нагласи дека согласно договорот, владејачката коалиција за свој претседателски кандидат ќе го именува лидерот на Националнолибералната партија и претседател на Сенатот Крин Антонеску.
– Социјалдемократите ќе ја поддржат кандидатурата на Антонеску и тој сигурно ќе победи, нагласи Понта.