Невреме со пороен дожд, силен ветер и грмотевици го зафати вечерва Кавадарци. За половина час наврнале 40 литри на метар квадратен. Поплавени се подруми на десетина куќи, улици. Од силниот дожд, вода е навлезена и во оштинската зграда.
-Вечерва подрачјето на Кавадарци го зафати невреме проследено со обилни врнежи на дожд. Од невремето поплавени се десетина подруми од куќи, како и средишниот дел од главната ул.7-ми Септември на која во моментот три екипи со механизација работат на расчистување, а за испумпување на водата од поплавените подруми на терен се екипи од пожарната од Кавадарци со две пумпи и екипа од Комуналец од Кавадарци со две пумпи информираат вечерва од Центарот за управување со кризи.
По невремето во градот се расчистувааt наноси од кал од улицте и се празни водата од полавенти објекти.
– По силното невреме што го зафати Кавадарци, вечерва на терен по поднесените пријави од граѓаните интервенираат служби од „Мој Општинар“, ТППЕ Кавадарци и ЈП Комуналец напиша градоначалникот Митко Јанчев.