„Не, нема промена во францускиот предлог. Таква промена нема“. Ова за БГНЕС го изјави бугарската министерка за надворешни работи Теодора Генчовска во врска со наводите во Република Македонија дека има промена на предлогот од Париз.
Таа прецизира дека во протоколот што денеска го потпишаа двајцата министри -Теодора Генчовска и Бујар Османи, има конкретни термини кои се дел од Преговарачката рамка.
„Има механизам да се контролира неговата имплементација. Тоа не е само билатерален протокол“, рече Геночвска на прашањето на БГНЕС, „дали постои опасност денешниот протокол да ја следи судбината на првиот од 2019 година и тој да не се спроведе“.
Бугарскиот амбасадор во Скопје, Ангел Ангелов, за БГНЕС изјави дека е загрижен од антиевропските говори во РСМ последните недели и ја повика политичката елита и локалните медиуми да тргнат по патот на европеизацијата на државата.