„Претседателката на Европската комисија, Урсула фон дер Лајен во обраќањето пред пратениците во македонското Собрание денеска ги потврди фактите за кои СДСМ, демократската и целата проевропска јавност ги говорат“, реагира СДСМ на изнесените ставови на Христијан Мицкоски.
„Македонци, нема сомнеж, вашиот јазик е македонски јазик и ние целосно го почитуваме. Затоа во ревидираниот предлог стои македонски јазик, без модификации и без квалификација од ЕУ.“
“Ревидираниот предлог го потврдува македонскиот национален идентитет, македонскиот јазик, а билатералните прашања, историските прашања не се услов ниту дел од преговорите.“
Со овие јасни и недвосмислени изјави претседатлката на ЕК ги потврди фактите а од друга страна ги разби сите лаги на антиевропската коалиција на Мицкоски и Апасиев.
Пред Собранието денеска е важна одлука за иднината на државата и продолжување на европскиот пат.
Македонци со македонски јазик во ЕУ, Собранието треба да го продолжи европскиот пат!“, се додава во реакцијата на СДСМ