Тренерот на Пари Сен-Жермен, Маурисио Почетино вели дека Лионел Меси добиваа нефер критики за „преодната“ сезона за поранешниот капитен на Барселона во новиот клуб.
Меси беше меѓу ѕвездите на ПСЖ кои беа исвиркани од сопствените навивачи по елиминацијата од Реал Мадрид во осминафиналето на Лигата на шампионите, а потоа при прославата на француската титула минатата година, дел од ултрасите на ПСЖ си заминаа предвреме наместо да слават.
„Да се оценува Меси на ваков начин не е фер. Не можете да зборувате за Меси на ваков начин. Тоа е како јас да зборувам за Марадона. Не зборувам за обичен фудбалер. Меси е на исто ниво со Марадона и никој не треба да се сомнева во неговите квалитети. Следната сезона ќе биде сосема поинаква за него. Ова беше година на учење, не само професионално, со новите соиграчи и во нова лига, но и на семејно ниво. Морате тоа да го земете во предвид“, оценува Почетино.
34-годишниот Меси постигна 9 гола и асистираше за уште 13 во 31 настапи во сите натпреварувања по слободниот трансфер во ПСЖ минатиот август по 20-годишната кариера во Барселона.