Европската фудбалска федерација (УЕФА) го соопшти наградниот фонд за Лигата на Европа.
Од сумата од 225 милиони евра, на клубовите ќе им припаднат 75 проценти, додека остатокот ќе го остане во УЕФА за покривање на административни и организациски трошоци.
Секој клуб кој ќе се пласира во групната фаза, ќе заработи по 1.3 милиони евра.
Секоја победа во групната фаза ќе биде наградена со дополнителни 200.000 евра, додека нерешениот резултат ќе носи двојно помалку пари.
Предвидени се награди и за прво пласираниот тим од групата кој ќе заработи дополнителни 400.000 евра, а второ пласираниот 200.000 евра.
Екипите кои ќе обезбедат пласман во шеснаесет-финалната фазата, ќе добијат уште по 200.000 евра. Оние кои ќе играа во осмина-финалето ќе го збогатат своето конто со 350.000, а чеврт-финалистите со дополнителни 450.000 евра.
Еден милион евра заработка ќе носи пласманот во полуфиналето, додека победникот во Лига Европа ќе заработи 5 милиони евра, а финалистот 2,5 милиони.