Министрите за надворешни работи на Русија и Украина пристигнаа во Турција за директни разговори закажани за денеска наутро, соопштија официјални лица. Тоа ќе биде прв контакт на високо ниво меѓу двете страни откако Москва почна со инвазија врз соседот Украина.
Официјални лица од Киев и Москва одржаа неколку рунди дискусии во Белорусија, но состанокот во јужниот град Анталија претставува првпат Русија да испрати министер на разговори за кризата.
?? Глава МЗС Дмитро Кулеба прибув до Анталії. Там заплановані переговори з міністром закордонних справ росії Лавровим. pic.twitter.com/SH2bcu1v6y
— Телеканал "Прямий" (@prm_ua) March 10, 2022
Украинскиот министер за надворешни работи Дмитро Кулеба пристигна на средбата.
Дијалогот меѓу Киев и Москва досега донесе неколку локални прекини на огнот и хуманитарни коридори за евакуација на жителите, но Русија беше обвинета за прекршување на тие договори.
Извор: МИА