Во Северна Кореја денеска се одржа импресивна воена парада, посветена на 60-годишнината од склучувањето на примирјето со Јужна Кореја, пренесе БТА.
Парадата за Денот на победата во Големата ослободителна војна, како што ја нарекуваат во Пјонгјанг, започна во 10 часот по локално време со настапи на воени дувачки оркестри, кои маршираа по централниот плоштадот „Ким Ил-сунг“ во Пјонгјанг, посочува ИТАР-ТАСС.
Во својство на врховен командант на Корејската народна армија парадата беше презентирана пред лидерот на земјата Ким Џонг-ун.
Меѓу почесните гости е кинескиот потпретседател Ли Јуанчао, кој ја предводи официјалната кинеска делегација. На плоштадот присутни се и кинески доброволци, кои се бореле на страната на Северот во тригодишната војна.
Пред трибината со официјалните гости во уредни редови маршираа единиците на редовната Корејска народна армија и на Работничко-селската црвена гарда. Тие беа следени од воена техника: борбени машини на пешадијата, оклопни возила, тенкови, самоодни артилериски лансери, ракетни системи, оперативно-тактички проектили.
Беа демонстрирани и елементи од системите за противракетна и воздушна одбрана.
На парадата првпат беа прикажани произведените во Северна Кореа беспилотни летала. Над плоштадот, каде беа поставени огромни портрети на насмеаните Ким Ил-сунг и Ким Јонг-ил, кружеа воени хеликоптери со слогани, кои ја слават партијата, земјата и нејзините лидери, прелетуваа авиони, вклучувајќи и Миг-29, кои предизвикуваа бурно воодушевување кај народот.
По парадата на плоштадот започна манифестација на работниците. На свеченостите во Пјонгјанг има официјални делегации од Кина, Сирија, Куба, Виетнам, Иран Лаос, Индија, Индонезија, Мозамбик, Танзанија и други земји.
Празничните манифестации ги следатт околу 100 странски новинари од Русија, Кина, САД, Јапонија, Франција, Велика Британија и други земји.
