Во пристанишниот град Тијанџин, недалеку од кинескиот главен град Пекинг, започна масовното тестирање на 14 милиони граѓани откако беа откриени 20 случаи на Ковид-19, од кои најмалку два беа предизвикани од сојот омикрон.
Меѓу заразените има 15 ученици на возраст од осум до 13 години, еден вработен во центар за образование и четворица родители.
Тестирањето во Тијанџин треба да биде завршено во рок од два дена, пренесува АП и потсетува дека Кина ја интензивираше имплементацијата на својата стратегија за нулта толеранција за Ковид-19 пред почетокот на Зимските олимписки игри, кои започнуваат на 4 февруари во Пекинг.