Потпишана е инвестиција од 50 милиони евра која се очекува да го реши проблемот со паркирањето во Чаир.
Градоначалникот на Општина Чаир, Висар Ганиу, заедно со сопственикот на глобалната компанија MABETEX, Беџет Пацоли и градоначалникот на Град Скопје, Петре Шилегов, денеска го потпишаа Меморандумот за договор за соработка со стратешкиот инвеститор MABETEX.
„Гаранцијата за овие гаражи е во рацете на глобалната компанија MABETEX, која досега го извршила секој договор со голема сериозност, на време, без никакво одлагање и на високо ниво на квалитет. Оваа компанија досега беше високо оценета низ целиот свет, додека за нас е привилегија што MABETEX ја има во свои раце изградбата на гаражите, рече Ганиу.
Тој вели дека во минатите четири години биле создадени близу 1.500 места за паркирање, додека со изградбата на овие нови гаражи проблемот со паркинг местата ќе се реши еднаш засекогаш, затоа што ќе има 3.000 нови паркинг места.