Сектор за внатрешни работи Велес поднесе кривична пријава против М.А.(51) и З.Д.(41). Двајцата се од Велес, поради постоење основи на сомнение за сторено кривично дело „неовластено производство и пуштање во промет на наркотични дроги, психотропни супстанции и прекурсори“.
„На 29.06.2021 во 18.50 часот, во викенд куќа на место викано „Бојаџиева чешма“, од полициски службеници бил извршен претрес, при што биле пронајдени и одземени 93 грама хероин. На пријавените им е изречена мерка притвор во траење од 30 дена и биле спроведени во Казнено-поправна установа Затвор Скопје“, велат од МВР.