Лионел Меси ќе остане на „Камп ноу“. Според „Ел Конфиденцијал“, Аргентинецот веќе се договорил со претседателот на Барса, Жоан Лапорта да потпише договор до 2023 година.
Во текот на изминатите неколку дена, Лапорта и Хорхе Меси, таткото и агентот на напаѓачот, преговараа и постигнаа договор. Двете страни сакаат да склучат нов договор што е можно поскоро.
Наводно, сè уште не е познато колку Меси ќе заработи во Барселона според новиот договор. Големината на неговата плата ќе зависи од резултатите. Сепак, веќе е јасно дека Аргентинецот ќе оди на пониска плата.
Минатата сезона, 33-годишниот напаѓач уште еднаш стана најдобар стрелец во Ла Лига, постигнувајќи 30 гола на 35 натпревари на турнирот.