Една недела пред официјалното членство на Хрватска во Европската унија, 69,4 отсто од Хрватите продолжуваат да сметаат дека државата се движи во погрешна насока. Со спротивен став се 22,4 отсто, се вели во анкета на агенцијата Кробарометар.
Резултатите укажуваат дека мнозинството од граѓаните и понатамусе незадоволни од политиката на Владата. Во споредба со претходни анкети, малку е зголемен бројот на оние што даваат поддршка за Владата.
Според последнава анкета, граѓаните даваат оценка од 3,39 (од 1 до 5) за работата на претседателот Иво Јосиповиќ, за Владата оценка од 2,31 и за парламентот оценка од 2,01.