Голманот на Јувентус, Џанлуиџи Буфон синоќа со својот тим го освои Купот на Италија. Во финалето Јуве ја совлада Аталанта (2:1). Четириесет и тригодишниот голман го одигра целиот натпревар.
За Буфон ова е последен трофеј со „старата дама“. Тој претходно најави дека ќе го напушти Јувентус на крајот од сезоната.
Тимот веќе ги загуби шансите за шампионската титула во Серија А и во последното коло ќе се бори за пласман во Лигата на шампионите.
Голманот рече дека откако ќе го напушти Јуве, ќе донесе одлука дали ќе ја заврши кариерата или ќе потпише договор со друг клуб.
Буфон со Јувентус има освоено 12 италијански шампионски титули, пет куп-трофеи и шест Суперкупа.