Службеното возило на Владата на Црна Гора во кое се наоѓала ќерката на премиерот Здравко Кривокапиќ денеска било нападнато на патот Подгорица-Никшиќ од страна на приврзаници на претседателот на Црна Гора, Мило Ѓукановиќ, јавија медиумите.
– Како татко нема да ви ги заборавам нејзините солзи и страв. Како премиер, нема да ви дозволам дивјаштво и беззаконие. Во државата ќе владеат редот и законот на кои не сте навикнати. Но наскоро тоа ќе го видите, порача премиерот Кривокапиќ по инцидентот.
Danas je napadnuto službeno vozilo u kojem se nalazila moja ćerka, inače štićena ličnost. Kao otac, neću vam zaboraviti njene suze i strah. Kao premijer, neću vam dozvoliti divljaštvo i bezakonje! U zemlji će vladati red i zakon na koje niste navikli. Uskoro ćete to da vidite.
— Zdravko Krivokapić (@profKrivokapic) April 8, 2021
Возилото на Владата беше пресретнато од приврзаници на ДПС на Ѓукановиќ и го блокираа. Потоа почнаа да се качуваат на возилото и да дивеат.
Кога веќе неколку приврзаници се качија на хаубата, возилото тргна, а неколкумина од толпата завршија на коловозот.
Полицијата во Никшиќ соопшти дека го документирала случајот и дека ќе биде известен обвинител.