Скопјанка со иницијали М.К. вчера попладне пријавила дека нејзиниот поранешен сопруг Н.Ј.(47) се обидува насила да влезе во нејзиниот дом на улицата „Водњанска“, а кога пристигнала полицијата, тој физички нападнал еден од полицајците дојдени да го спречат во намерата.
„На 28.03.2021 околу 17.30 часот на ул.„Водњанска“ во Скопје, Н.Ј.(47) од Скопје физички нападнал полициски службеник кој извршувал службени дејствија, постапувајќи по претходна пријава од неговата поранешна сопруга М.К. дека сакал насилно да влезе во нејзиниот дом,“ се вели во полициското соопштение.
По целосно документирање на случајот против Н.Ј. ќе биде поднесена соодветна пријава, додаваат од МВР.