Позаразната варијанта на коронавирус VOC 202012/01, првично откриена во Велика Британија, само во последната недела е регистрирана во уште седум земји од светот и со тоа нивниот вкупен број достигна 125. Видот на коронавирусот 501Y.V2, попознат како „јужноафриканска мутација“ е проширин во 75 земји, а истовремено, вирусот П.1, што првично беше пронајден во Бразил и Јапонија, сега циркулира во 41 земја.
Неделниот билтен на СЗО забележува дека „бројот на земји кои пријавуваат нови видови на вирус продолжува да расте“.
Британската верзија покажува за 41 отсто поголем репродуктивен капацитет во текот на истражувањето, како и „можност за брзо раселување врз другите циркулирачки видови“. Експертите предупредуваат и на „поголем смртоносен ризик“ од инфекција со оваа варијанта на коронавирусот.
Според СЗО, варијантата на коронавирус VOC 202012/01 се појави во Велика Британија во септември минатата година. Во Јужна Африка, варијантата 501Y.V2 е присутна од почетокот на август 2020 година, а во Бразил и Јапонија Ц.1 циркулира од декември.