Штрајк во траење од 48 часа, започнаа 13 грчки поморски синдикати, со што поголем дел од бродовите во Грција, два дена ќе останат закотвени на пристаништата, јави дописничката на МИА од Атина.
Штрајкот започна на една минута по полноќ и ќе трае до утре на полноќ, додека пак, според грчката новинска агенција АНА-МПА, синдикатите, меѓу другото бараат укинување на регулативите што им штетат на колективните договори, но и што се однесуваат на работното време и одморите.
Дополнително, бараат и комплетна медицинска нега, државно образование, надградба на инфраструктурата, вработување персонал,како и подобрување на наставната програма во нивниот сектор.