Во последните 24 часа, за повеќе од двојно е зголемен бројот на новоинфицирани во Кина, вкупно 69 во споредба со 33 од претходниот ден, објави Националната комисија за здравство, нагласувајќи дека 21 случај на Ковид-19 биле увезени од странство.
Најголемиот број локални преноси на вирусот е регистриран во провинцијата Хебеј, недалеку од главниот град Пекинг – дури 46 од вкупно 48 потврдени случаи, пренесува „Ројтерс“.
Во последните 24 часа, потврдени се и 27 асимптоматски случаи на Ковид-19, што е за 11 помалку од претходниот ден.
Од почетокот на пандемијата, во Кина се регистрирани 87.433 случаи на Ковид-19 и 4.634 смртни случаи меѓу ковид-пациентите.