Во согласност со договорот за прекин на огнот потпишан меѓу Азербејџан и Ерменија со посредство на Русија, ерменските сили и малубројните Ерменци денеска го напуштаа градот Агдам, а во исто време азербејџанските безбедносни сили се стационираа во овој град.
Снимките споделени на социјалните мрежи покажуваат дека оклопни возила на азербејџанската армија се движат кон Агдам, пречекани од радосни Азербејџанци, додека минуваат низ населените места.
Во меѓувреме, ерменската армија, повлекувајќи се од регионот Агдам, ги запали полициската станица и другите згради и контролни пунктови што ги користеше, пренесува агенцијата Анадолија.