Дијалогот меѓу Белград и Приштина, кој беше закажан за понеделник, е откажан поради пандемијата на коронавирусот, соопшти специјалниот пратеник на Европската унија за дијалогот меѓу Србија и Косово, Мирослав Лајчак.
„Поради претпазливост во врска со Ковид-19, состанокот во рамките на дијалогот (Белград и Приштина) закажан за понеделник ќе биде одложен“, објави Лајчак на својот профил на Твитер, без да понуди повеќе детали.
Out of abundance of caution related to COVID19, the Dialogue meeting scheduled for Monday next week will be postponed.
— Miroslav Lajčák (@MiroslavLajcak) September 25, 2020
Лајчак претходно најави дека делегациите на Косово и Србија ќе се состанат в понеделник, 28 септември во Брисел, за да ги продолжат разговорите за финансиските побарувања и имотот и дека заедницата на српските општини нема да биде на дневен ред.
Не е познат нов датум за состанокот, јави Бета.