Искра Гешоска и Вангел Божиновски ги вкрстија аргументите и ставовите за проектот „Скопје – 2014“ во емисијата Зебра онлајн.
Додека Вангел Божиновски беше на ставот дека времето ќе ги покаже вредностите на Скопје-2014, Гешоска истакна дека проектот направи упад во културното наследство, во живата култура и во идејата за тоа што треба да е современа политика и културна практика.
-Со проектот сфативме дека немаме културни политки. Имаме фасадна, декларативна и декоративна култура- изјави Гешоска и додаде дека ретроградното и непродуктивно читање на културата не отвора простор за критично промислување на светот, а во тоа е клучната улога на уметноста.
Божиновски пак во однос на актуелноста на културните практики рече дека „21 век во Македонија не е ист како 21 век на друго место“.