Претседателот на Демократската унија за интеграција, Али Ахмети, вечерва на својата страница на Фејсбук објави дека е поканет да сведочи од страна на Специјалното обвинителство за воени злосторства во Косово, со седиште во Хаг.
„Владеењето на правото и постигнувањето на вистинска неселективна правда, локална и меѓународна, се моја постојана цел и обврска во текот на целата моја активност.
Затоа, би сакал да ве известам дека Специјализираните комори на Република Косово, односно Специјалното обвинителство на Косово, ме покани како сведок и без двоумење ја прифатив поканата и воспоставив конструктивен и кооперативен контакт со службените лица во Хаг.
Отсекогаш сум бил поддржувач на неселективната правда и стојам сум на располагање на правосудството за да ја докажам искреноста на ослободителната војна на албанскиот народ пред геноцидот на српскиот режим на Милошевиќ,“ напиша Ахмети, без да понуди повеќе детали за конкретната истрага на Специјалното обвинителство во која ќе биде сведок.
