Најдобриот фудбалер во светот Лионел Меси по синоќешниот пораз на Барселона од Баерн, призна дека баварците во моментов се многу подобри од каталонскиот клуб.
– Едноставно се многу подобри од нас, физички посилни и се супериорни, изјави Меси по дебаклот на Барселона во Минхен.
Неговото бледо издание на синоќешниот меч, Аргентинецот не го правда со повредата. Вели дека се чувствувал доволно добро за да игра.
– Штета е тоа што ни се случи. Мораме да продолжиме понатаму, да се подигнеме за реваншот и за натпреварите во Примера, да се вратиме на вистинскиот пат, истакна Меси.