Стрелецот на голот вреден полуфинале во Лигата на шампионите за Барселона, Педро Родригез ја истакна важноста на Меси во играта на каталонскиот клуб.
– Ништо без нашиот најдобар играч. Со неговото влегување во игра на теренот бевме други. Тој беше иницијатор на многу акции, а одигра и главна улога при постигнувањето на мојот гол за што му сум благодарен. Очекувам Меси да биде целосно подготвен за полуфиналните пресметки, изјави Педро.
Барселона во реваншот против ПСЖ губеше и беше пред елиминација, но по влегувањето во игра на Меси изедначи и со 1:1 избори полуфинале, благодарение на „ефикасното“ реми во Париз каде беше 2:2.
Синоќа на „Камп Ноу“ Хавиер Пасторе го доведе ПСЖ во водство во 50.минута, а Педро изедначи во 71.минута, девет минути по влегувањето на Лионел Меси.