Извештајот на Европската комисија за Македонија кој ќе биде објавен на 16 април а Комисијата овојпат не објавува никаков детал од содржината, пренесе МИА.
Извештајот ќе биде презентиран од страна на еврокомесарот за проширување Штефан Филе.
Не сакам да навлегувам во детали кога станува збор за извештајот. Сега сме во т.н. работен процес и само ќе кажам дека Европската комисија ќе го усвои и објави извештајот на 16 април и тогаш ќе се знае што тој ќе содржи. Претходно не би сакал да кажам ништо повеќе, гласи одговорот на Петер Стано, портпаролот на Филе.
МИА повикувајќи се на извори од Унијата, пишува дека претстојниот извештај ќе содржи нова препорака за почеток на пристапните преговори на Македонија со ЕУ, со тоа што во него ќе бидат нотирани политичките проблеми што претходните месеци ги креираше опозициската СДСМ во државата, како и етничките судири.
Можам да потврдам дека комесарот Филе ќе допатува во вторник во Скопје, а причината е што тој ќе учествува на Четвртата рунда од Пристапниот дијалог на високо ниво, додава Стано.