Во Турција до сега пребегале 350.000 Сиријци, кои побарала спас од судирот во својата држава, соопшти во Истамбул шефот на Дирекцијата за природни катастрофи и вонредни ситуации, Фуат Октав.
-Сиријскиот судир трае веќе две години. Во текот на тој период близу 350.000 Сиријци пронајдоа привремено скривалиште во Турција. Многумина од нив, дури 192.000 се сместени во бегалските центри – изјави Октав.
Тој нагласи дека Турција одобри 600 милиони долари за помош на бегалците од Сирија. Судирот со властите и бунтовниците започнаа во средината на март 2011 година.
Според податоците на Обединетите нации, во судирите загинаа повеќе од 70.000 луѓе, а повеќе од милион избегаа.
Елена Георгиевска