Грчката полиција разби криминална организација која по морски пат пренесувала мигранти од Грција во Италија, а наплаќала по 4.000 евра од човек, јави дописничката на МИА од Атина.
Во рамките на акцијата во соработка со грчката крајбрежна служба биле уапсени осум лица, а спречено 19 странски државјани, меѓу кои и четири деца нелегално со брод да стигнат во Италија.
8 arrested for smuggling migrants from Greece to Italy. The investigators found 19 migrants on board, including 4 minors. An operation by @hellenicpolice together with the Hellenic Coast Guard ??, @NCA_UK ?? and the support of #Europol
Press release:https://t.co/RDv1ixB1HK pic.twitter.com/vxCzhzR4qE
— Europol (@Europol) February 4, 2020
Како што соопштија од грчката полиција, членовите на криминалната организација од центарот на Атина ги пренеле 19-те лица до морски карпест дел каде што ги чекал бродот, а од крајбрежната служба биле пресретнати неколку часа подоцна, во близина на островот Идра.
Криминалната организација била активна од ноември минатата година, а секој од членовите имал посебна улога.
Функционирала на начин што прво преку огласи барале соодветни бродови за нелегално пренесување на мигрантите, а по купувањето, барале потенцијални мигранти за да им понудат пренесување во Италија.
Во паралелна акција на полицијата, во различни делови на областа Атика биле уапсени уште шест членови на криминалната организација, како и еден таксист што бил задолжен за превезување на мигрантите.
Операцијата на грчката полиција е дел програмата “Европска мултидисциплинарна платформа против криминални закани”, и била спроведена во рамките на Националниот оперативен план на Грција, а во соработка со Грчката крајбрежна стража, Европскиот центар за борба против нелегална трговијата со луѓе на Европол и Националната агенција за криминал на Велика Британија.