Грчките власти уапсија неименуван маж кој фотографирал и снимал воен материјал во име на друго лице, соопшти денес полицијата на северот од земјата.
Апсењето уследи по заедничка операција на Националната разузнавачка служба и Поддирекцијата за кривична постапка и истраги во Александрополис, се вели во соопштението на полицијата.
Неименуваниот маж (58) бил ангажиран од друго лице со криминално минато, а властите добиле докази дека осомничениот испраќал релевантен материјал до друго лице преку шифрирана апликација.
Грчките власти истражуваат информации што го поврзуваат случајот со руските разузнавачки служби, објавува „Катимерини“.