Џекпот на американската лотарија „Пауербол“ во вредност од 338 милиони долари е извлечен во Њу Џерси, соопшти денеска официјален претставник на лотаријата.
Добитник на џекпотот е едно среќно ливче од Њу Џерси.
Пред извлекувањето вредноста на џекпотот беше проценета на 320 милиони долари, но по пресметување на продажбата добивката се искачи на 338 милиони долари, што е четврта најголема „Пауербол“ награда досега.
„Пауербол“ лотаријата, под ова име постои од 1992 година и се игра во 42 американски сојузни држави, објави Ен-Би-СИ Њус.
Најголемиот џекпот во историјата на „Пауербол“ изнесува 587,5 милиони долари, но тогаш беа извлечени две добитни ливчиња во Аризона и Мисури.