Индија изврши денеска тестирање на првата ракета со крила, кој е од домашно производство, но летот бил прекинат на половина пат од поставената цел, изјави извор близок до индиското Министерство за одбрана, јави БТА.
Претходно индиските медиуми јавија дека тестирањето било успешно и оти ракетата стигнала до својата цел.
– Летот на ракетата требаше да биде прекинат, бидејќи таа отстапила од поставениот курс. Со тоа тестирањето само половично може да се смета за успешно, изјавил изворот.
Истрелувањето на ракетата со среден дострел „Нирбхај“ беше извршено од полигонот Чандипур во источната држава Ориса.
Производството на ракетата со максимален дострел до илјада километри почна во 2007 година. Ракетата е наменета за воено-воздухопловните, военопоморските и копнените сили.
За овој месец е планирано и тестирање на подводната верзија на суперсоничната ракета со крила „БраМос“, која е од заедничко руско-индиско производство.