Со брод на воената морнарица на Грција околу 500 бегалци и мигранти од грчкиот остров Сими доцна синоќа пристигнаа на атинското пристаниште Пиреа, објави грчката новинска агенција АНА-МПА.
На малиот грчки остров не постои организиран бегалски камп или прифатен центар, па така според истите информации, бегалците и мигрантите кои пристигале од турското крајбрежје престојувале пред полициската станица и крајбрежната служба, како и на улиците на Сими.
Според официјалните податоци од грчката Влада, во текот на викендот, односно во саботата и неделата, на островот Сими пристигнале 142 лица.