Се ближи 14-ти март, денот кога на светот ќе му биде претставен „Galaxy S4″, се погласни се шпекулациите околу тоа што се ќе поседува најисчекуваниот телефон за 2013 година.
Неименуван извор во компанијата Самсунг за „The New York Times” изјавил дека телефонот ќе поседува „Eye Scroll” софтвер, кој што е само една од иновациите кои што ги поседува паметниот телефон.
Samsung во последниот период поднесе неколку патенти кои се однесуваа на предната камера и кои се фокусираа на следење на очите на корисникот додека работи со уредот.
Патенти како „Eye Scroll” и „Eye Pause” се фокусираат на позицијата на очите на екранот за да ги паузираат видео содржините или да го мрдаат (скролаат) текстот.