Кризниот штаб на Општина Охрид бара решение за се изгласне на пожарот кој се спушта кон селото Косел и Опеница. Пожарот и натаму се шири поради ветерот. Граѓаните се вознемирени и според нив ситуацијата е алармантна. Опожарена е голема површина.
Поради пожарот во текот на ноќта Охрид беше прекриен со чад и се чувствуваше силна миризба.
Пожарот изби вчера кај местото викано „Јасика“ во близина на двете села. Вчера било интервенирано само со едно пожарникарско возило, а вечерта, поради неможноста да дејствуваат, екипите се повлекле.
Теренот е тешко пристапен бидејќи станува збор за планинско место. Во гаснењето вклучени се екипи на шумската полиција.