Воз што сообраќал на релација Александруполи – Орменио во североисточниот дел на Грција, удрил и усмртил мигрант кој спиел на пругата, а неговиот пријател успеал навреме да побегне, објавија локалните медиуми, jави дописничката на МИА од Атина.
Според истите информации, веројатно станува збор за мигранти од Ирак кои преку Еврос влегле во Грција од Турција и следејќи ја железничката пруга имале намера да стигнат во внатрешноста на земјата.
Машиновозачот бил приведен, а подоцна ослободен.