Влада на Кувајт денеска поднесе оставка, која следи на одгласите на политичката криза во оваа мала, но богата со нафта земја и земја со стратегиска местоположба на брегот на Персискиот залив, која е клучен сојузник на САД во невралгичниот регион.
Уставниот суд на Кувајт во средата ги поништи парламентарните избори оддржани во февруари, на кои исламистичката опозиција го обезбеди мнозинство во законодавниот орган. Тој го врати претходниот состав на Националното собрание, во кој доминираа поддржувачите на владата.
Во Кувајт денеска почна процес против 68 лица, меѓу кои девет пратеници, за нападот врз зградата на парламентит во ноември минатата година, пренесоа агенциите, повикувајќи се на еден од адвокатите на обвинетите.