„Отпорот“ ги продолжи своите протести и денеска во Кочани. Пред насобраните зборуваше Влатко Серафимов, член на Централниот Одбор на СДСМ.
Тој го потсети актуелниот Градоначалник на Општина Кочани, Ратко Димитровски за неговите големи, капитални ветувања пред четири години од кои како што потенцираше се направија многу малку проекти и тоа проекти кои беа во изборната програма на ОО СДСМ – Кочани.
Свое обраќање имаше и Миле Андонов кој само ги потсети присутните за нивните активности до и за време на изборите, но и го закажа следниот протест кој ќе се одржи во Петок.
На крајот сите присутни на протестот на Градоначалникот Ратко Димитровски му покажаа црвен картон.
ФОТО: Комарец