По завршување со своите искази пред судечкиот совет на денешното рочиште за случајот „Тортура“ кој се однесува на апсењето Љубе Бошкоски лидерот на Обединети за Македонија, новинарката Оливера Трајковска и бизнисменот Орце Камчев се изгушкаа пред Кривичниот суд.
Прва со сведочење заврши Трајковска, но таа наместо да ја напушти судницата, остана да го слушне и сведочењето на Орце Камчев по што заедно го напуштија судот.
Камчев и Трајковска денеска беа повикани да сведочат за апсењето на Бошкоски. Во еден од нелегално прислушуваните разговори кои ги изведуваше тогашната опозициска СДСМ, можеше да се слушне разговор помеѓу Камчев и Трајковска како разговараат за апсењето на лидерот на Обединети за Македонија.