Американскиот претседател Доналд Трамп за време на посетата на Лондон изјави дека не мисли оти Меган Маркл е „злобна“, туку дека само била „злобна кон него“.
Обидувајќи се да го поправи дипломатскиот гаф за време на посета на Британија, а откако беше објавено дека Меган Маркл ја нарекол „злобна“, Трамп за програмата „Добро утро Британија“, рече дека немал намера да на навреди поранешната актерка, а денес војвоткa од Сасекс.
Трамп рече и дека немало контроверзи кога разговарал со нејзиниот сопруг, принцот Хари, за кого рече дека „не можел да биде пофин“.
Тој заклучи и дека целото британско кралско семејство е фино.