Антикорупциската комисија ќе проверува 36 вработувања во УЈП ангажирани преку Агенција за привремени вработувања.
Меѓу вработените се и сопругата на директорот на истражниот затвор „Скопје“, Ѓоко Котевски, Катерина Котевска и сестрата на пратеничката Тања Ковачев, Катерина Јакимовска.
Од директорката на УЈП, Сања Лукаревска, антикорупционерите ќе бараат дополнително преиспитување за начинот на кој се вработиле овие лица и ќе алармираат до Владата да престане праксата на масовно ангажирање лица преку агенциите за привремени вработувања, бидејќи останува сомнеж дека станува збор за партиски вработувања.
ДКСК одлучи да поведе и прекршочна постапка за пратеничката Тања Ковачев затоа што не известила дека нејзиниот сопруг е вработен во АД Аеродроми. Ќе се „чешлаат“ и уште пет вработувања во оваа институција, а извештајот од ДКСК ќе го доставата и до Владата.
Галена Николовска-Ризвановиќ